༄༅།།༢༠༡༦ལོའི་ཁོར་ཡུག་རྩོམ་རིག་འགྲན་སྡུར་གྱི་མཇུག་འབྲས།
Results of 2016 Tibetan Environmental Essay Competition
༢༠༡༦ལོའི་ཁོར་ཡུག་རྩོམ་རིག་འགྲན་སྡུར་གྱི་གཟེངས་རྟགས་ཐོབ་མཁན་རྣམས་ལ་རྟེན་འབྲེལ་ཞུ།
གསལ་བསྒྲགས།
༄༅། །༢༠༡༦ལོའི་ཁོར་ཡུག་རྩོམ་རིག་འགྲན་སྡུར་གྱི་མཇུག་འབྲས།
བོད་ཡུལ་སྐྱེ་ཁམས་ཐེབས་རྩ་ཚོགས་པས་ཐེངས་གཉིས་པར་སྤེལ་བའི་ཁོར་ཡུག་རྩོམ་རིག་འགྲན་སྡུར་ལ་མཉམ་ཞུགས་གནང་བར་ཐུགས་རྗེ་ཆེ་ཞུ་བ་དང་ལྷན་དུ་མཉམ་ཞུགས་མཁན་ཡོངས་ལ་ཁོར་ཡུག་ལ་ཐུགས་ཁུར་གནང་བར་རྗེས་སུ་ཡི་རང་ཡོད།
བོད་ཡུལ་སྐྱེ་ཁམས་ཐེབས་རྩ་ཚོགས་པ་ནི་ཨ་རིའི་གཞུང་ལ་ཐོ་འགོད་བྱས་ཡོད་པའི་(501(c)(3)ཐེབས་རྩ་ཚོགས་པ་ཞིག་ཡིན་པ་དང་།
ང་ཚོའི་དམིགས་ཡུལ་གཙོ་བོ་ནི་གོ་ལ་སྤྱི་དང་བོད་ཀྱི་སྐྱེ་ཁམས་ཁོར་ཡུག་སྐོར་གྱི་ཤེས་བྱ་ཁྱབ་སྤེལ་དང་། ལྷག་པར་དུ་བོད་མི་མང་ལ་བོད་ཀྱི་སྐད་ཡིག་བེད་སྤྱོད་བྱས་ནས་ཁོར་ཡུག་གི་ཤེས་བྱ་མཁོ་སྤྲོད་བྱེད་རྒྱུ་དེ་ཡིན། ཐེངས་འདིར་མཉམ་ཞུགས་གནང་མཁན་རྩོམ་པ་བོ་རྣམས་གཙོ་བོར་བྱས་པའི་བོད་ཀྱི་རྩོམ་པ་བོ་རྣམས་ཀྱིས་མ་འོངས་པ་ན་སྐྱེ་ཁམས་ཁོར་ཡུག་ཤེས་བྱ་གང་མང་སྤེལ་བའི་རེ་བ་ཞུ།
ཐེངས་འདིར་ང་ཚོ་ལ་འབྱོར་བའི་རྩོམ་ཡིག་རྣམས་ནི་གཅིག་ལས་གཅིག་ལེགས་པས་བཟང་ངན་གྱི་དབྱེ་བ་མེད་ཀྱང་། འགྲན་སྡུར་ཞིག་ཡིན་སྟབས་དཔྱད་འདམས་མི་བྱེད་ཀ་མེད་དུ་གྱུར། ཡིན་ན་ཡང་གཟེངས་རྟགས་དང་བྱ་དགའ་ཐོབ་ཡོད་མེད་ལ་མ་ལྟོས་བར་ཁྱེད་རྣམས་ཀྱི་རྩོམ་ཡིག་ཚང་མ་ང་ཚོས་རིན་ཐང་ཆེན་པོ་བརྩི་བཞིན་ཡོད། ལྷག་པར་དུ་ཁྱེད་རྣམས་ཀྱི་སེམས་ཤུགས་དང་རྒྱབ་སྐྱོར་རྩ་ཆེན་དུ་བརྩི་བཞིན་ཡོད།
བསྐྱར་དུ་མཉམ་ཞུགས་གནང་མཁན་གྱི་རྩོམ་པ་བོ་ཡོངས་ལ་བཀའ་དྲིན་ཆེ་ཞུ།
བོད་ཡུལ་སྐྱེ་ཁམས་ཐེབས་རྩ་ཚོགས་པས་གུས་འདུད་དང་བཅས།༢༠༡༦ཟླ་༡༡ཚེས་༦ལ།
གསལ་བསྒྲགས།
༢༠༡༧།༤།༢༢
༢༠༡༦།༡༡།༦
༢༠༡༦།༧།༡༥
༢༠༡༥།༦།༥
༢༠༡༥།༤།༡༥