རྫ་ཆུ།
ཆུ་བོ་ཆེན་པོ་ཟླ་ཆུའམ་རྫ་ཆུ་ནི་སའི་སྣོད་བཅུད་ཡོངས་སུ་ཚང་བའི་བོད་ཀྱི་མདོ་དབུས་མཐོ་སྒང་གི་མཚོ་སྔོན་
ཞིང་ཆེན་ཡུལ་ཤུལ་བོད་རིགས་རང་སྐྱོངས་ཁུལ་རྫ་སྟོད་རྫོང་གི་ནུབ་ཕྱོགས་ནས་རྡོལ་པས་ཆུ་བོ་འདིའི་མིང་
ལའང་ཟླ་ཆུའམ་རྫ་ཆུ་ཟེར། ཆུ་བོ་འདི་འཛམ་གླིང་གི་ཆུ་ཆེན་ཨང་བཅུ་གཉིས་པ་དང་ཡ་གླིང་གི་ཆུ་ཆེན་ཨང་
བདུན་པ་ཡིན། དེ་ནས་ཀྲུང་གོའི་(China)མངའ་ཁོངས་ཀྱི་ཡུན་ནན་ཞིང་ཆེན་བརྒྱུད་དེ་འབར་མ་(Burma)
དང་། ཐྰའེ་ལན་ཌི(Thailand)། ལྰོ། (Laos)ཁྰམ་བྷོ་ཌི་ཡ་ (Cambodia)། ཡྰོ་ནན་(Vietnam) བཅས་རྒྱལ་ཁབ་
ལྔ་བརྒྱུད་མཐར་ལྷོ་རྒྱ་མཚོར་བབས་ཡོད།
འཛམ་གླིང་དུ་ཆེས་རྒྱལ་ཁབ་མང་བོ་འགྲིམ་པའི་ཆུ་བོ་ཞིག་གོ།
དེའི་རིང་ཚད་ལ་སྟོང་སྨིས་༤༨༨༠ཡོད་པ་དང་འབབ་བརྒྱུད་ཀྱི་ས་ཁྱོན་ལ་སྟོང་སྨིས་གྲུ་བཞི་མ་༧༩༥༠༠༠ཡོད།
ལོ་རེའི་ཆུ་བོའི་བཞུར་ཚད་༤༧༥ km3/༡༡༤ཡིན།ཆུ་བོ་དེ་ལ་བདག་གཉེར་ལྷན་ཚོགས་ཤིག་ཡོད་དེ་ཀྲུང་གོ་དང་
འབར་མ་མ་གཏོགས་པའི་ཆུ་བོ་དེ་ཉིད་བརྒྱུད་སའི་རྒྱལ་ཁབ་དག་ཞུགས་ཡོད་པ་དང་།
ལྷན་ཚོགས་
དེའི་མིང་ཡང་ཆུ་བོ་འདིའི་མིང་ལ་བརྟེན་ནས་ཡ་གླིང་ལྷོ་མའི་རྫ་ཆུ་མཉམ་གཉེར་ཚོགས་པ་ཞེས་བཏགས་ཡོད།
ཆུ་བོ་འདིའི་བཞུར་ཚད་ལ་དུས་བཞིའི་འགྱུར་བ་ཆེན་པོ་ཡོད་པས་གྲུ་གཟིངས་གཏོང་བར་ཉེན་ཁ་ཆེ་བར་བཤད།
དབྱིན་སྐད་ཏུ་རྫ་ཆུ་ལ་མྰེ་ཁོན་(Mekong)དང་།
ཐྰེའི་སྐད་དུ་མྰ་ནེམ་ཁོན་(แม่น้ำโขง)ཟེར། དེའི་ནང་དོན་
ནི་འདི་ལྟ་སྟེ།མྰ་ནི་ཨ་མ་དང་།
ནེམ་ནི་ཆུ་བོའི་དོན་ཡིན་ཞིང་དེ་མིན་ཁྲང་མྰེ་གྲོང་དུ་མྰ་ནེམ་ཕེན་ནམ་ཡང་ན་
ཕེན་གཙང་བོ་ཞེས་འབོད་ཀྱིན་ཡོད། ཁྰམ་བྷོ་ཌི་རྒྱལ་ཁབ་ཏུ་ཐོན་ལོ་ཟྰ་ཕོ་གཙང་བོ་དང་ཡང་ན་ཟྰ་ཕོ་གཙང་བོ་
ཞེས་འབོད། ཐོན་ལོ་ནི་གཙང་བོ་ཆེན་པོའི་དོན་ཡིན། ཆུ་བོ་འདིའི་འགོ་ཁུངས་ཀྱི་མཚོ་ངོས་མཐོ་ཚད་ནི་
སྨིས་༥༢༢༤ཡིན།
རྫ་ཆུའི་རྒྱུད་ཀྱི་སྲོག་ཆགས།
རྫ་ཆུའི་འབབ་རྒྱུད་ནི་སྲོག་ཆགས་སྣ་ཚོགས་གནས་པའི་འཛམ་གླིང་གི་ས་ཆ་ཁྱད་པར་དུ་འཕགས་པ་ཞིག་སྟེ།
གཙོ་བོ་ཉ་རིགས་ཕུན་སུམ་ཚོགས་པར་གནས་པས་དེར་ཉ་རིགས་༡༧༠༠ལྷག་ཡོད་པར་བཤད་ལ།མིག་སྔར་
ཉ་རིགས་༡༢༠༠ལྷག་ངོས་འཛིན་བྱས་ཡོད།ཉ་ལས་ནི་ཆུ་བོའི་འབབ་རྒྱུད་ཀྱི་ས་ཆ་དག་གི་དཔལ་འབྱོར་གྱི་
རྟེན་གཞི་གཙོ་བོ་ཡིན་པ་དང་།ཉ་རིགས་༡༢༠ལྷག་ཚོང་རར་འགྲེམ་བཞིན་ཡོད་ཅིང་རྒྱུན་ལྡན་དུ་ཚོང་རར་
འགྲེམ་བཞིན་པ་ནི་ཉ་རིགས་སྣ་ཁ་༡༠ནས་༢༠བར་ཡོད།
རྫ་ཆུའི་སྟོད་རྒྱུད་ནི་བྱང་ཕྱོགས་ནས་འབར་མ་རྒྱལ་ཁབ་དང་། ཐྰའེ་ལན་ཌི། ལྰོ་རྒྱལ་ཁབ་བཅས་སུ་གཏོགས།
དེ་རུ་ཆུ་བོ་ཧ་ཅང་དྭངས་ཤིང་གཙང་ལ་འཁྱག་རོམ་མང་སྟེ་བཞུར་ཚད་ཀྱང་མགྱོགས། ཆུ་བོའི་སྨད་རྒྱུད་དུ་
འགྲམ་ངོགས་ཀྱི་ས་འདམ་འདྲེས་ཚད་ཆེ་བ་དང་ལྷག་པར་དུ་ཆར་ཆུ་མོད་པའི་དུས་ཚིགས་སུ་དེ་ལས་ཀྱང་
ཆེ་བས་ཆུ་བོ་ཧ་ཅང་རྙོག་པོ་ཡིན།འབབ་རྒྱུད་འདིའི་གནམ་གཤིས་དྲོད་དྲང་གི་ཧེ་བག་ནི་༢༡.༡ནས་
༢༧.༨°Cཡིན། རྫ་ཆུའི་འབབ་རྒྱུད་སྟོད་སྨད་ཀྱི་སྐྱེ་དངོས་གནས་ཡུལ་ནས་སྨྲས་ན། ཆུ་བོའི་བཞུར་ཚད་
མགྱོགས་པའི་སྟོད་རྒྱུད་ཀྱི་གནས་སུ་ཁྰ་པེ་ཁྲི་ཌ་(Cobitidae) དང་།
བྱི་ཉ། རི་ཉ་སོགས་རིགས་
མི་འདྲ་བའི་ཉ་ཁྱུ་མང་བོ་ཡོད་པ་དང་།
ཆུ་བོའི་བཞུར་ཚད་དལ་བའི་འབབ་རྒྱུད་སྨད་དཀྱིལ་དུ་ཉ་དམར་
དང་བྱི་ཉ་སོགས་གཙོཡིན་པའི་ཉ་རིགས་སྣ་ཚོགས་ཡོད་དེ།འདི་ལྟ་བའི་ཉ་རིགས་སྣ་ཚོགས་འཛོམས་པའི་
གཙང་བོ་ཧ་ཅང་དཀོན་མོ་ཡིན།
རྫ་ཆུར་གནས་པའི་ཉ་ཆེ་བའི་རིང་ཚད་ལ་སྨིས་༡.༥་དང་ལྗིད་ཚད་ལ་སྤྱི་རྒྱ་༧༠ཙམ་ཡོད། ཕྰན་རྒ་ཉ་དང་
ཁྰར་ཕྰ་ཉ།
བྱི་ཉ་བཅས་ཀྱི་ཉ་ཆེ་བ་རིང་ཚད་ལ་སྨིས་༣དང་ལྗིད་ཚད་ལ་སྤྱི་རྒྱ་༣༠༠ཙམ་ཡོད་སྐད། ཡིད་སྐྱོ་བ་
ཞིག་ལ་ཆུ་འགག་ས་ཚིགས་སྐྲུན་པ་དང་ཆུ་ལོག་རྒྱུགས་པ་ཚད་ལས་བརྒལ་བའི་ཉ་འཛིན་ལས་རིགས་སྤེལ་པ་
སོགས་གྱིས་ཉ་རིགས་འདི་དག་ཇེ་ཉུང་དུ་འགྲོ་བཞིན་ཡོད་དོ།།
རྫ་ཆུའི་ལོ་རྒྱུས་མདོ་བསྡུས།>>
མིང་ཚིག
|
བོད་ |
རྒྱ་ |
དབྱིན་ |
ཐྰེ་ |
|
ཁྰམ་བྷོ་ཌི་ཡ་ |
柬埔寨 |
Cambodia |
|
|
ཆེང་མྰེ་ |
清迈 |
Chiang Mai |
|
|
རྒྰ་རེ་ཋེ་ཝུ་སེ་ཐོ་ཧྥོ་ |
|
Gerrit van Wuysthoff |
|
|
ཐྰའེ་ལན་ཌི |
泰国 |
Thailand |
|
|
འབར་མ་ |
缅甸 |
Burma |
|
|
མྰ་ནེམ་ཁོན་ |
|
|
แม่น้ำโขง |
|
མྰན་ཝན་ |
漫湾 |
Manwan |
|
|
མཚོ་ཕག་ |
海豚 |
Dolphin |
|
|
རྫ་ཆུ་/ཟླ་ཆུ་ |
湄公河 |
Mekong |
แม่น้ำโขง |
|
ཟེ་གྷོང་གྲོང་ཁྱེར་ |
胡志明市 |
Saigon |
|
|
ཡྰོ་ནན་ |
越南 |
Vietnam |
|
|
རོ་མན་རྒྱལ་རབས་ |
罗马帝国 |
Roman Empire |
|
|
ལྰོ། |
老挝 |
Laos |
|
|
སི་ཕན་དང་ཕྰོར་ཋུ་གྷུའི་ |
西班牙和葡萄牙 |
Spaniards and
PortuguesePortuguese) |
|
|
ཨན་ཁོར་ |
吴哥 |
Angkor |
|
