ཡུལ་ལྗོངས།
གུ་གུ་ཤལ་རང་བྱུང་སྲུང་སྐྱོང་ས་ཁུལ།
རྒྱལ་ཁབ་རིམ་པའི་རང་བྱུང་སྲུང་སྐྱོང་ས་ཁུལ་གུ་གུ་ཤལ་ནི་མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཁུལ་གྱི་ནུབ་བྱང་ས་ཁུལ་ན་ཡོད།ན་གོར་མོ་གྲོང་ཁྱེར་དང་ ཐག་ཉེ།རྒྱལ་ལམ་གཅིག་ཐིག་དགུ་བརྒྱུད་ན་གནས་དེར་བསླེབས་ཐུབ།མཐོ་སྒང་གི་རི་སྐྱེས་སྲོག་ཆགས་དང་སྐྱེ་དངོས་མོད་པར་རྟོག་ཞིབ་ལྟ་སྐོར་དང་།མཐོ་སྒང་སྐྱེ་ ཁམས་ཞིབ་འཇུག་དང་བསྡོངས་པའི་མཛེས་སྡུག་གི་ལྗོངས་རྒྱུ་ས་ཁུལ་ཞིག་ཡིན།ཆེད་མཁས་པའི་ལྟ་ཞིབ་ལྟར་ན།གནས་དེར་མཐོ་རིམ་སྐྱེ་དངོས་རིགས༡༠༢ཡོད་པ་དང་།དེ་ལས་རིགས84ནི་མཚོ་བོད་མཐོ་སྒང་དུ་མ་གཏོགས་མེད་པ་རེད།བྱ་རིགས་འཕེལ་ཆེར༤༥ལྷག་འདུས།དེ་ལས་རིགས༧ནི་མཚོ་བོད་མཐོ་སྒང་དུ་མ་གཏོགས་མེད་པ་རེད།རྒྱལ་ཁབ་རིམ་པ་དང་པོའི་སྲུང་སྐྱོང་སྲོག་ཆགས་འབྲོང་དང་། གཙོད། རྐྱང་། ཤྭ་བ། གླག་སོགས་འདུས། རྒྱལ་ཁབ་རིམ་པ་གཉིས་པའི་སྲུང་སྐྱོང་སྲོགས་ཆགས་རྣ་དང་དྲེད་མོང་།འུག་པ།གཉན།གསའ་དང་གཡི། གོང་མོ་སོགས་ཞིང་ཆེན་རིམ་པའི་སྲུང་སྐྱོང་གཙོ་བོའི་རི་དྭགས་སྣ་མང་གནས་ཡོད།རང་རྒྱལ་གྱི་རི་སྐྱེ་རི་དྭགས་ཆེས་མང་བའི་ས་ཁུལ་ཅིག་རེད།མཐོ་སྒང་གི་རི་སྐྱེས་རི་དྭགས་ཀྱི་རང་བྱུང་གླིང་ག་དང་རི་སྐྱེས་རི་དྭགས་རྒྱལ་ཁམས་ཞེས་པའི་ མཚན་སྙན་ཐོབ་ཡོད།
ཡོངས་ཁུངས། ཀྲུང་གོའི་ཚྭ་འདམ་བོད་ཡིག་དྲ་ཚིགས།
