བློ་གྲོས་ཆོས་བཟང་།
མཚན་ཡོངས་ལ་ཨ་ལགས་རྗེ་སྤྲུལ་བློ་གྲོས་ཆོས་བཟང་ཞེས་འབོད། ཁོང་ནི་བཞུགས་སྒར་དུ་ཡོད་པའི་ཀིརྟིའི་བྱེས་པ་གྲྭ་ཚང་གི་རིག་ལམ་དགེ་རྒན་རིས་མེད་སློབ་དཔོན་ཡིན་པ་དང་། ཁོང་བོད་དུ་འཁྲུངས་ཤིང་། རྗེས་སུ་རྒྱ་གར་ལ་འབྱོར་རྗེས་ ༡༩༩༥ལོར་རྡ་ས་ཀིརྟིའི་བྱེས་པ་གྲྭ་ཚང་དུ་ཞུགས། ༢༠༠༣ རྡ་ས་རིགས་ལམ་སློབ་གཉེར་ཁང་དུ་སློབ་གཉེར་གནང་སྟེ། ༢༠༠༦ ལོར་དབུ་མ་རབ་འབྱམས་པའི་ལག་ཁྱེར་བླངས། དཔལ་སྤུངས་ཤེར་རབ་གླིང་དུ་འདུལ་བ་ལོ་གཉིས་སློབ་གཉེར་གནང་རྗེས་༢༠༡༠ལོར་ནང་ཆོས་ཐོག་Ph.d རིས་མེད་སློབ་དཔོན་གྱི་འབུམ་རམས་པའི་ལག་ཁྱེར་ཐོབ། ༢༠༡༠ ནས་ཀིརྟིའི་བྱེས་པ་གྲྭ་ཚང་གི་དཔེ་ཁྲིད་དགེ་རྒན་གནང་མུས་ཐོག “ཀླད་པ་ལས་འདས་བའི་ཤི་བའི་རྗེས་ཀྱི་གནད་དོན།” དང་། “ཡང་སིངྒལའི་དེབ་ཐེར་དུ་འཁོད་པའི་རབས་ཆེན་བོད་མི།” ཞེས་པའི་དེབ་དང་དཔྱད་རྩོམ་མང་དུ་སྤེལ་བ་དང་བཅས་སོ།